தினம் ஒரு மாணவர்

இந்திப் பதிவின் கதாநாயகன் இவர்தான். இவரது பெயர் N.திருநந்தகுமார். இவர் பண்ருட்டி அரசு மேல்நிலைப் பள்ளியின் மாணவர்.
ஓவிய ஆசிரியர் முத்துக்குமரன் அவர்களின் மாணவர்.

இவர் சிறந்த பிறவி ஓவியர் . இவரது தந்தை ஒரு ஸ்தபதியும் கூட. அதனால் தன் தந்தையின் சிற்பம் வடிக்கும் திறன் இவருள்ளும் ஜீன் வழியே வந்துவிட்டது
போலும். அதனாலேயே இவரது ஆசிரியரின் பயிற்சியில் இவருக்கான களிமண் சிற்பக்கலை விரைந்து கைகூடிவிட்டது. இதன் காரணமாக கலா உத்சவ் - Visual Arts எனும்  காண்கலைப் பிரிவில் களிமண் சிற்பங்கள் செய்தல் போட்டியில் மாநில அளவில் (3D Art)முதலிடமும், தேசிய அளவில் கலந்துகொள்ளும் அரிய வாய்ப்பும் பெற்றவர். போர்ட்ரெய்ட் ஓவியங்களையும் நன்கு வரைபவர்.

தனது ஆசிரியர் முத்துக்குமரன் அவர்களின் தலைமையில் , தன் மற்ற நண்பர்களுடன் கோடியக்கரையில் நடைபெற்ற ஒளிப்படக் கலைப் பயிற்சி முகாமில் பங்கேற்று ஒளிப்படக் கலையின் பல்வேறு நுணுக்கங்களைக் கற்றும் வந்துள்ளார்.

கடந்த வருடம் 12 -ஆம் வகுப்பை நிறைவு செய்த இவர் தற்போது ஓவியக் கல்லுரிக்கு விண்ணப்பித்துள்ளார்.

இவர் தன் கலைகளில் சிறந்து விளங்க வாழ்த்துங்கள்...

வாழ்த்துவதற்கு தொடர்பு கொள்ள வேண்டிய எண்:

96773 64579

Popular posts from this blog

சாதனை மாணவர்கள் பிரசன்ன சிவா & ஜீவா

Image
இதுவரை ஓவியக்கலையுடன் சம்பந்தப்பட்ட மாணவர்களைப் பார்த்து மகிழ்ந்த நாம் இனி இசைத்துறையில் திறன் பெற்ற மாணவர் ஒருவரையும் , யோகாசனத்துறையில் திறன் பெற்ற மாணவர் ஒருவரையும் சந்திப்போமா? முதலில் இசைத்துறை மாணவர் பிரசன்ன சிவாவைப் பார்ப்போம். இவர்தான் பிரசன்ன சிவா. பண்ருட்டி அரசு மேல்நிலைப் பள்ளியில் 11-ஆம் வகுப்பு படித்து வருகிறார். முன்பே தனக்கு  கேள்வி ஞானத்தில் ஒரளவு பாடத் தெரியும் என்றாலும், தனது ஓவிய ஆசிரியர் முத்துக்குமரனை சந்தித்ததும்தான் இவரது வாழ்க்கையில் ஒரு திருப்பு முனை ஏற்பட்டது என்று சொல்கிறார் இவர். தன் இசைத்திறன் தெரிந்ததும் பாரதியாரின் நினைவு நூற்றாண்டு விழா கொண்டாடும் சமயத்தில் அவரது பாடலான துன்பம் இல்லாத நிலையே சக்தி என்ற பாடலை அறிமுகப்படுத்தி, அதனைப்  பாடுவதற்கு பயிற்சியும் அளித்து பள்ளியின் விழாவிலும், தமெரிக்கா டிவி மற்றும் புதுவை கவிதை வானில் கவிமன்றம் நடத்திய சாதனை நிகழ்விலும் பாட  வைத்தாராம் ஓவிய ஆசிரியர் முத்துக்குமரன். இத்தனைக்கும் அவருக்கும் கர்நாடக இசையில் முறையான பயிற்சி எதுவும் கிடையாது. எல்லாம் கேள்வி ஞானம்தான். அதைவிட முக்கியமான விஷயம...
Read more

சாதனை மாணவர் விக்னேஷ்

Image
இன்றைய நாளின் சாதனை மாணவர் இவர்தான் .இவர் பெயர் P. விக்னேஷ். தற்பொழுது பண்ருட்டி அரசு மேல்நிலைப் பள்ளியில் 12. ஆம் வகுப்பு படித்து வருகிறார்.  போர்ட்ரெய்ட், கலர் பென்சில் , பென்சில் ஷேடிங் என வெளுத்துக் கட்டுவார். தன் பள்ளியின் சுவரோவியங்களில் இவரது பங்களிப்பு அதிகம்  உண்டு. கடந்த வாரம் கூட புதுவையில் வெங்கட்டா நகர் பூங்காவில் சுவரோவியங்கள் வரைந்த குழுவில் இடம் பெற்றமைக்காக புதுச்சேரி சபாநாயகர் கைகளால் பாராட்டும், பரிசும் பெற்றவர். மேலும் ஆறாம் வகுப்பில் இருந்தே இப்பள்ளியில் இவர் படித்து வருவதால், தொடர்ந்து  ஓவிய ஆசிரியர் முத்துக்குமரனின் வழிகாட்டலில் இவர் தன் திறனில் சிறந்து விளங்கி வருவதோடு தொடர்ந்து பள்ளியில் நடைபெறும் கண்காட்சிகளில் இவரது பங்கேற்பு இருந்து கொண்டே இருக்கும். சமீபத்தில் சென்னையில் நடைபெற்ற மூன்று நாள் ஓவியத் திருவிழாவிற்கு, தன் ஆசிரியர் முத்துக்குமரன் மற்றும் சக மாணவர்கள் ஐவருடன் சென்று அங்கு நடைபெற்ற பல்வேறு ஓவிய நுட்பப் பயிலரங்குகளில், ஓவிய நிகழ்வுகளில் ,  கலந்துகொண்டு தன்னை இந்த மெருகேற்றி வந்திருக்கிறார். மேலும் இவர் ஒரு சாரணரும் கூ...
Read more